viernes, 29 de abril de 2016

LOGO NON DIGADES QUE NON VOS AVISAMOS!!! Axenda MIÚDA da fin de semana: sábado 30 de abril e domingo 1 de maio de 2016


SÁBADO 30 DE ABRIL DE 2016

Feira da primavera no Barrio de San Pedro en Santiago de Compostela.
Feira do Libro no Paseo lateral da Alameda de Santiago de Compostela. 

A partir das 9:30 e ata as 14:00h nenas e nenos de 3 a 12 anos poden desfrutar de actividades lúdicas en Arc Os Tilos.

A partir das 11:00h organizado por Can Cun Quinqué e para celebrar o Día da Danza, diversas actividades na Praza da Quintana, Santiago de Compostela:
11:15h Barra de Danza Clásica con Gail Brevitt
12:00h Exhibición de Tribal Fusión con Darija Cz e Miranda Luengo.Exhibición de Claqué con Xenia Tartari.
12:30h Exhibición de Danza Africana con Galimké Galiza
13:00h Lectura do Manifesto do Día Internacional da Danza. Improvisaxión de Danza Contemporánea con Leodan Rodríguez, Isabel Sánchez e Xiana Vilas.
13:30h Baile Social con Compostela Swing.

Ás 11:00h na Escola do Medio, Ritmo para bebés.

De 11:30 a 13:30 na Gentalha do Pichel temos Danza Africana en familia.

De 11:30 a 12:00h na Aula de Xogo do Centro Sociocultural de Santa Marta en Santiago de Compostela, "Art&Crafts: Rainbow" para nenos e nenas de 3 a 12 anos.
De 11:30 a 13:30h Obradoiros de cociña infantil: Aprendendo a comer san de Afundación en Santiago de Compostela.

Ás 12:00h "Roteiro Interpretativo polas Brañas do Sar" organizado polo CIAC (Centro de Interpretación Ambiental de Compostela).

Ás 12:00h Grupo de calceta en Gaia dos Nenos.

De 12:00 a 14:00h "Taller para familias de arquitectura e urbanismo" en Olalab Acción Cultural en Santiago de Compostela. 

De 12:00 a13:00h "Obradoiro de Creación de contos" en O xardíndos soños, nas Casas Reais en Santiago de Compostela a cargo de Natalia Guedella Sebastián.

Ás 12:00h na Biblioteca Pública de Santiago Ánxel Casal, Os sábados choiva de contos: "Fabulando" a cargo de Lisístrata para nenos e nenas de 6 a 12 anos, no Salón de Actos. 

Ás 12:00h en Circonove, nave de circo, temos Precirco para nenos e nenas de 3 a 5 anos e obradoiros para nenos e nenas de 5 a 9 anos.


Ás 17:00h no Palacio de Congresos e Exposicións en Santiago de Compostela, "Festival Clan ¡¡Ven a mi cumple!!

De 18:00 a 20:00h en Área Central "Cociñ-Arte: especial primavera" desfrutando da froita: cupcake de fresón, crema de limón...

Ás 18:00h no Centro Sociocultural de Santa Marta poderedes gozar de "Todo me fala de tí" no que Uxía e Magín Blanco cantan os poemas de Manuel María.

Ás 18:30h no Paseo lateral da Alameda de Santiago de Compostela, Feira do Libro, Obradoiro Escola de Maxia por Cucarandainas.

A partir de las 20:00h "Gran gala Generación As Cancelas" no Centro Comercial As Cancelas de Santiago de Compostela.


DOMINGO 1 DE MAIO DE 2016

Día da nai
Día do traballo 

Feira do Libro no Paseo lateral da Alameda de Santiago de Compostela.

Ás 12:00h no Paseo lateral da Alameda de Santiago de Compostela, Feira do Libro. Obradoiro de escritura creativa xuvenil por Andrea Barreira Freije.

Ás 18:00h o Paseo lateral da Alameda de Santiago de Compostela, Feira do Libro, Contacontos, con Miguel Ángel Alonso Diz por Nova Edicións Galicia.


Ás 19:00h no Auditorio Municipal de Valga, "Xente Miúda moita fartura" de Pablo Díaz.

miércoles, 27 de abril de 2016

NAIS, FOLIADA, TEORÍA DO APEGO...e DÍA DO TRABALLO

Xa hai tempo que quería compartir con vós os meus pensamentos sobre as mulleres...pero non me da a vida, son muller, son nai, e ainda que as mulleres somos quen de facer varias cousas á vez, no meu caso esas varias cousas son moi varias, ou necesito unhas clases de organización, ou que paren un pouco o mundo, ou...ou non, quizás estea ben así. Ás veces penso que esa presión, esa responsabilidade... é o que o fai avanzar o mundo! ou polo menos o meu pequeno mundo, claro. E vai facer a revolución, que virá da man das mulleres, das nais que queren un lugar mellor no que medren @s seus miúd@s.

Total, que agora teño pendente escribir sobre as mulleres, as nais (que este domingo é o seu día), o Día do Traballo (que tamén é o domingo), sobre a Foliada MIÚDA e sobre a charla de Laura Perales "Teoría do Apego, vínculo e necesidades de 0 a 3 anos", que ainda que fai un par de fines de semana que foi isto, como non me da a vida, ou si me da, ou eu que sei...pois nestas ando agora, a escribir.

E aínda que poida parecer que as mulleres, as nais, o traballo, a Foliada Miúda e a charla son cousas ben diferentes...pois non cho son, non.

Na Foliada Miúda desfrutei. Vin ás miñas miúdas xogar e bailar con outras crianzas ás que non coñecían e agora sí. Vin a nais e pais compartir e desfrutar, facer tribo. Vin tetas que alimentaban ao son das gaitas. Vin un bebé porteado nun fular mentres a súa nai tocaba a pandeireta. Vin. Vin e sentín. Sentínme ben. Ben ás veces non dí nada...ou meu sentirme ben tivo que ver coa conexión, sentinme conectada con outras persoas nunha forma de criar, nunha forma de desfrutar. Sentinme ben. Espero que desfrutarades tanto coma min. Grazas por vir, participar e desfrutar, e a ver se en breve organizamos outra.


E a charla de Laura Perales sobre a Teoría do Apego, o vínculo e as necesidades de 0 a 3 anos, ten moito que ver con ese conectar. Ten moito que ver con ser nai. Con ser muller. Cunha crianza consciente, vinculada c@ nos@ fill@, coas súas necesidades. Na charla non puiden estar todo o atenta que me gustaría, nin puiden estar todo o tempo...pero foi unha charla boa, moi boa. Seino porque o pai das miñas miúdas si que estivo, e ben atento, toda a charla. Criticaba que se facía fincapé demasiado no papel da nai e que non se lle daba papel ao pai. Eu penso que @s bebés de 0-3 anos...teñen que estar coa súa nai! O papel do pai é moi importante, pero penso que mais vinculado ás necesidades desa díada nai-bebé. Non sei, eso pode dar para outro artigo. O caso é que digo que a charla foi boa porque algo cambiou. É moi bo pai, é mellor pai que parella e dende a charla entendeu moitas cousas das que eu lle falaba. Está atento. Escoita. Respeta. Limita e da liberdade.



Agora veñen as mulleres, as nais e o traballo. Bonita coincidencia a deste ano, que fai que o Día da nai e o Día do traballo sexan na mesma data. Dende que son nai reflexiono e uno moito o traballo e a maternidade. Parece que traballo remunerado e maternidade se repelen coma os polos dos imáns, mentres que maternidade e traballo non remunerado se atraen tolamente! Penso que nesto quédanos moito que mudar, individual e colectivamente. Moito. Penso tamén que ten moito que ver todo isto con poñer en valor. A actividade das mulleres está minusvalorada. Incluso a de ser nai. E ás mulleres, a min, fáltame confianza, empoderamento que se lle chama.
Case teño 40 anos. Crecín escoitando á miña nai que me dicía que estudara, que estudara moito, para de maior ter o meu, non depender de ninguén...a liberdade que ansiaba unha xeración de mulleres que foi maioritariamente "ama de casa".
Estudei unha carreira universitaria na que o 90% eramos mulleres pero pola contra, ás cátedras e o profesorado eran maioritariamente masculinos. Fixen os cursos de doutorado, algún master, algún postgrado...
Fun a algunha entrevista á que miraron máis o meu escote que os meus títulos. Empecei a traballar. Curiosamente o 10% de compañeiros da carreira tamén...con menos sorte o 90% de compañeiras. Tiña un xefe. Rematou á subvención pola que me contrataban. Fun a máis entrevistas, estiven en máis traballos, tiven máis xefas que xefes, estiven no paro...
Teño parella. Home. El fixo unha carreira universitaria. Traballa. Leva máis de 10 anos na mesma empresa. Cobra máis ca min. Temos dúas fillas. Cando naceron eu estaba en paro. Agora que traballo son eu a que ten redución de xornada, porque o meu traballo é menos estable e porque cobro menos.
Cóntovos isto porque non sei en qué momento, as cousas van pasando, a vida...pero a perxudicada en termos económicos son eu. Pero todo parece normal, o que ten que ser. Noutros termos de desfrutar da vida, das súas fillas, o perxudicado e él. Total, que de igualdade nada.
E nestas reflexións ando, xuntando festa, traballo e maternidade.

Grazas por ler, opinar e compartir!

domingo, 24 de abril de 2016

Compostela MIÚDA recomenda: Educultoras ou A tribo enteira educa



Déchedesvos conta dunha consecuencia moi positiva da crise? Estánse a forxar moitos proxectos e iniciativas que veñen con vento fresco e son inovadoras e creativas. En resumidas contas: que se caracterizan pola súa autenticidade e singularidade. Educultoras, s. coop. galega é un proxecto así.
Cando entramos na súa web o primeiro que vemos en letras maiúsculas é: A TRIBO ENTEIRA EDUCA. Iso xa expresa unha maneira de facelas cousas que nos parece de moitísimo valor. Non cremos na segmentación da sociedade en caixóns e tampouco en que so no caixón nais e pais e no caixón escola é onde atopamos a palabra educación. 
Non sei moi ben en que momento perdimos esto que según a miña opinión é a razón última do bache que estamos a pasar socialmente. Desfixémonos dunhas responsabilidades que realmente son nosas e botámosllas a outros (como por exemplo aos políticos, que por suposto teñen moitas responsabilidades tamén e nin falla fai dicir que non o están a facer nada ben). Non nos damos conta que estas responsabilidades pola educación, pola nosa cidade, polo noso país, pola nosa terra non son so obligacións, senon máis que nada unha oportunidade de cambiar o que non nos gusta ou o que non funciona e así deseñar a vida que estamos a soñar. Neste e en moitos aspectos máis o traballo das Educultoras nos parece a parte de moi valioso, moi necesario.
Cando leo a súa declaración de principios, destácanme conceptos como o da aprendizaxe ao longo da vida. Descúbrennos unha trampa máis da nosa sociedade. Quen non pensou nalgún momento que a formación se acababa como moi tarde despois da universidade e con ela o desenvolvemento da persoa? Eu agora xa me convencín de que non é así aínda que moitas veces parece que nolo queren facer crer. 
Tamén falan da formación integral da persoa, de descubrir, expresar e crear, da empatía, asertividade e comunicación, das relacións grupais, de aprender facendo, da igualdade, e moi importante da conciencia, do coidado e respecto polo noso planeta.

Se es unha gardería, un colexio ou un instituto, un espazo que organiza actividades para nen@s ou un concello, se traballas nun museo, nunha asociación ou nun colectivo artístico e precisas unha proposta didáctica sobre como achegar os teus contidos aos rapaces, se es un organismo público ou privado... En fin, se precisas proxectos educativos de calidade, non o dubides, ponte en contacto con elas!
Recomendámosvos a tod@s que visitedes a súa biblioteca dixital, na que podedes atopar vídeos e recomendacións de libros para MIUD@S e tamén para educadores, pais e nais sobre os temas creatividade, educación, emocións e intelixéncias múltiples.
E se pensas que encaixas e queres formar parte da súa tribo incluso convídante aquí a enviarlles o teu curriculum.

Parabéns Educultoras, por esa páxina tan completa, polo proxecto e parabéns tamén polo traballo c@s MIÚD@S d@s nais e pais que asisitiron á nosa última charla de Laura Perales. Esperamos poder volver contar con vos moi pronto!

Moitas grazas por ler, compartir e comentar!

jueves, 21 de abril de 2016

LOGO NON DIGADES QUE NON VOS AVISAMOS!!! Axenda MIÚDA da fin de semana: sábado 23 e domingo 24 de abril de 2016




FESTAS DA FIN DE SEMANA

XXVII Festa do Champiñón en Ordes.
Festas de San Marcos en Noia.

SÁBADO 23 DE ABRIL DE 2016: DÍA DO LIBRO
MOSTRAS BIBLIOGRÁFICAS na Biblioteca Pública Anxel Casal no mes de abril: “Hans Christian Andersen” e "Contos Chineses" na Sala Infantil. 
Dende as 9:30 ás 14:00 as nenas e nenos de 3 a 12 anos poden disfrutar de actividades lúdicas durante toda a maña en Arc Os Tilos. 

Ás 10:00h no Museo Centro Gaiás, na Cidade da Cultura en Santiago de Compostela, obradoiro "Facer e ser" con Melania Freire. A partir de 15 anos.  

Ás 11:00h. na Escola do Medio Ritmo para bebés. 

De 11:30 a 12:00h no Centro Sociocultural Santa Marta en Santiago de Compostela, Fun Showing: Meet Shakespeare! para nenos e nenas de 3 a 12 anos.

Ás 11:30 e ás 12:30h na Galería Sargadelos en Santiago de Compostela dentro do Programa Municipal de animación á lectura, "Do berce á lúa: sesións de contos para bebés" de 0 a 3 anos.

De 11:30 a 13:30h Obradoiros de cociña infantil: Aprendendo a comer san de Afundación en Santiago de Compostela. 

De 11:30 a 13:30 na Gentalha do Pichel Danza africana en familia.

Ás 12:00h "Titiricleta" os sábados choiva de contos na Biblioteca Pública de Santiago Ánxel Casal a cargo de Carballo con Botas.

Ás 12:00h no Centro Sociocultural de Conxo, Aurelio Aguirre "Festa do Libro e da Lectura": teatro de monicreques, pezas de animación coa técnica de stop motion e lectura dunha creación colectiva.


Ás 12:00h precirco para nenos e nenas de 3 a 5 anos en Circonove, nave de circo en Santiago de Compostela.

Ás 12:00h Grupo de calceta en Gaia dos Nenos en Santiago de Compostela.

Ás 12:00h na Praza de Xelmirez en Santiago de Compostela, música en directo con The show bass e elaboración de xoiaría tradicional en vivo por De Cotío.

De 16:30 a 19:30h no Museo de Historia Natural da Universidade de Santiago de Compostela "A danza da natureza" obradoiro para nenos e nenas impartido por Tania Veiga profesora de danza africana.

A partir das 17:00h Gran Gala Generación Kids As Cancelas, no Centro Comercial As Cancelas en Santiago de Compostela.

De 17:00 a 20:30h Conmemoración do Día do Libro do Concello de Ames con Literatura na Praza do Concello en Bertamiráns: obradoiros e concertos infantís. 

Entre as 17:00 e as 23:00h na Praza 8 de marzo (Barrio de San Pedro, en Santiago de Compostela) Gala a favor das refuxiadas de Siria.

Ás 17:00 para bebés de 0 e 1 ano e ás 17:45h para nenos e nenas de 2-3 anos "Taller en familia de estimulación temprana musical" no Centro de estimulación temprana musical Allegro.T Ames

Ás 18:00h. Concerto de Cristina Costa Lin (Bach, Concone, Debussy, Juan Durán, Antonio Cerviño e Merikanto), alumna de Tratalenca no Gran Hotel los Abetos (Santiago de Compostela). Concerto benéfico a favor de Ahuce recomendado para nenos desde 5 anos.

De 18:00 a 20:00h Especial Día do Libro en Área Central, en Santiago de Compostela. Contacontos con obradoiro experimental baseado no libro "O monstro de cores" con cancións e emocións.


Ás 18:00h "OBRADOIRO CREATIVO: CALDO DE LETRAS" conducido por Akira para nenos e nenas de 3 a 9 anos no Centro Sociocultural de Santa Marta, Santiago de Compostela.


DOMINGO 24 DE ABRIL DE 2016

De 16:30 a 20:30h Multixogo no Multiusos Fontes do Sar en Santiago de Compostela.

Ás 17:00h "Aberto por alegría" circo e música no V Aniversario de Semente Compostela no Auditorio de Galicia en Santiago de Compostela.


Se vedes que falta ou sobra algo agradeceriámosvos que nos avisasesdes comentando aquí ou por e-mail: compostelamiuda@gmail.com
Que pasedes unha fin de semana primaveral de verdade!

miércoles, 20 de abril de 2016

Bloom Galicia por Locas Musas LAB ou Precisamos aprender como crecer



Compostela MIÚDA somos, como igual xa sabes, Raquel e máis Helen. 
Comezamos a coidar desta fill@ virtual dende o novembro pasado, levamos agora uns 5 meses a tope, invirtindo todo o tempo que temos. Crecemos con vos, os nosos seguidores. Crecemos rápido, con ganas e moita creatividade e estamos a invertir moita enerxía. Esa enerxía de momento non a estamos volvendo a traer a casa.
Preguntámonos como temos que facer! Imaxinamos que hai profesionais que saben canto pode tardar un proxecto como o noso en recompensarnos todas as cerca de mil horas invertidas ata o momento. Saben tamén como se debe estructurar unha empresa como a nosa. Como debemos facer para que a nosa non tan MIÚDA Compostela creza forte e fermosa para poder darlles aos nosos seguidores un mellor servicio e atender as súas peticións con máis determinación. 
Case sempre é a Compostela MIÚDA a que tira de nos e a seguimos sen rechistar, pero que pasaría se souberamos ordenar as súas peticións? Como sería se poideramos aprender e aproveitarnos da experiencia de algún/ha especialista no tema. 
Estamos dispostas, temos forza, perseverancia, vontade, paciencia e moitas ganas. Temos ideas, somos tenaces e creativas. Temos amig@s que nos axudan e apoian e temosvos a vos: aos nosos 1600 seguidores aos que se xuntan como mínimo uns 80 novos tódalas semanas.
Pero temos claras as nosas metas? Temos claras tódalas cousas das que pode ser capaz a Compostela MIÚDA e como potencialas? Precisamos aprender a elaborar a nosa estratéxia e son moitos aspectos a ter en conta!
Chegados a este punto, temos moi claro que precisamos un plan de ataque, un plan para ganar esta "guerra". Precisamos unha guía profesional. E a temos. Temos a sorte que Dolores Diz, xusto cando lle pedimos axuda, andaba dándolle forma a un obradoiro que nos dará todo isto o que estamos a buscar para a Compostela MIÚDA agora mesmo: o Bloom Galicia organizado polo Locas Musas LAB.
Coñezo a Dolores xa hai tempo. É unha profesional do 10. Ela é desa xente apasionada co seu traballo, sempre á última, sempre con inquedanzas e nunca deixando de crecer. Crédenos, paga a pena coñecela!

Axúdanos a atopar interesad@s para poder participar neste curso!
Se coñeces a alguén que estea pensando en crear unha empresa ou que xa está ata as orellas metido nela... Se coñeces a alguén con ganas de mellorar, ou que é des@s que andan sempre en busca de novos impulsos ou simplemente alguén que precise axuda co seu proxecto coma nos, avísa e falamos con ela/el.

E por favor, se coñeciches o obradoiro Bloom Galicia a través de nos e decides participar, mencionao no proceso de inscripción! Moitas grazas.

Bloom Galicia por Locas Musas LAB (un proxecto de Dolores Diz) terá lugar o vindeiro 21 de maio de 9:00 a 19:00h. na Quinta da Auga. Podes consultar toda a información e mercar a túa entrada aquí. Para calquera dúbida ponte en contacto connosco! (compostelamiuda@gmail.com; 666 72 92 19)

Moitas grazas por ler, comentar, compartir e participar!

lunes, 18 de abril de 2016

"It" nai vs. Nai CM


Isto vai de como ao principio quería chamar este artigo Como ser unha mamá "it" en 10 sinxelos pasos?, pero logo cambiei de idea...
O primeiro problema que se me presentou ao empezar a escribir este artigo é que nin idea do que é unha nai "it". Así que consultei no google e me levou a unha páxina que se chama it mama!!! O malo é que era en ruso e aínda tendoo estudado durante oito anos no instituto non me chega para entender de que ía o tema.
E buscando so "it" sae a película de Stephen King e nada máis. Así pois puxen a consulta nun grupo no meu whats.app, o das Amiguiñas, porque elas andan máis actualizadas ca min en temas de fashion e lifestyle e mentras agardaba a que contestasen, seguín pensando: "It" é inglés e poderíase traducir con "isto". Entón ese "isto" que é? Algo indeterminado e misterioso e, polo tanto, desexable? Algo que está alá arriba no pedestal da nosa sociedade de consumo e ao que só poucos teñen acceso? Pero xa non é só por ter ou non ter os cartos (que iso tamén) senón por ter estilo, coñecemento, contactos e por suposto moitos seguidores?
Con iso que xa fun cavilando eu soa ía empezar a elaborar o meu listado de 10 sinxelos pasos, do que a estas alturas xa non sei se finalmente será tan sinxelo.
E o que me saíron foron cousas tipo:
Paso 1: É imprescindible ter twitter ou unha páxina en facebook que é onde se poden ter seguidores. Agora hai a opción de conseguir moitos pondo publicidade a partir de 4€!!! 
Paso 2: Algo imprescindible sería saír sempre arreglada da casa e non feito uns zorros como eu saio case sempre, xa que o meu fillo non me deixa duchar e cando está a miña parella teño que traballar. Si, traballo ata que el se vai á cama e máis alá desa hora. 
Paso 3: Ter un estilo refinado, diferente, persoal e á última! Ejem. Eu para iso non é que non teña tempo, é que directamente non teño neuronas que se queiran ocupar diso agora mesmo. De feito deixaron o seu traballo un momento e estánseme rindo na cara. Vale, xa deixo este pensamento tamén.
Paso 4: Pasos 2 e 3 son de ter en conta tamén para @s MIÚD@S! O meu fillo viste con roupa que me pasan amigas ou que teño de mamá liberando un grupo en facebook no que se comparte roupa para que non se tire despois do pouco uso que se lle dá...
Como xa vos imaxinades, non quedei moi contenta cos pasos estes... Por enriba, logo de escribir isto unha das miñas amiguiñas do grupo no whats.app que se chama Elena Montero contestou o seguinte: Para min "it" é o mesmo que cool. Ese termo emprégase para facer referencia a persoas que priman a forma sobre o fondo. É un postureo puro e duro. Dende a miña humilde opinión, claro. Para as "it" nais  que saen nas revistas catalogadas como tal, o fillo é máis un complemento ao look que un ser humano froito das súas entranas! Nótase que non son moi fan do termo "it"
Botei as mans á cabeza e pensei: VOU COMEZAR DE NOVO! 
Primeiro vou pasar do termo "it" que xa despois de todo non me gusta nadiña e vou chamar as nais das que quero falar as Nais CM. E logo quero que a Mamá CM se mencione xunto a outras palabras como por exemplo: compromiso, responsabilidade, detimento, creatividade, adaptación, sorriso, amor e alegría.
Ben, imos aló que xa me sinto máis animada: Como ser unha Mamá CM en 10 pasos que che farán a vida máis colorida!
Paso 1: Tes o futuro na túa casa, andando ou tambaleandose sobre dúas perniñas. Ese futuro aprende de ti mirándote cuns ollos enormes en cada momento. Esa é a túa responsabilidade, o teu compromiso, con ela ou el e con todo o mundo, co noso planeta azul e con tódolos seres que o habitan.
Paso 2: Intentas baixarte do tren do día a día que vivimos, porque vai demasiado rápido para vol@s dúas ou dous, tres ou sexa o número que sexa símbolo da túa felicidade familiar. A ti as dúcias de viñetas que che mostran o teu fillo dentro de 10, 15 ou 20 anos dicíndoche "non teño tempo para ti, vella!" non che din nada porque te tomas o tempo agora!
Paso 3: Para a crianza o que che importa é estar atenta para saber o que precisa @ túa/teu fill@ e creativa para decidir como darllo. E iso lógrase coidándose moito a unha mesma. Así que aproveitamos este preciso intre para nos dar unha auto-aperta, moitos bicos e tamén para nos recordar o ben que o estamos a facer!
Paso 4: IMPORTANTE!!! Non te esquezas ante todo que es humana!!! E tampouco de lle trasmitir isto @ túa/teu fill@! Ti non es perfecta ou sexa que ela/el tampouco o será e é mellor que o saibamos tod@s (fill@s incluíd@s). Dito con outras palabras: Todo isto para ti debería ser un camiño, unha meta, un lugar cara onde dirixir os teus esforzos. Para nada o trates de lograr custe o que custe porque iría totalmente en contra de cada un dos pasos. Si! Eu tamén xa lle berrei ao meu fillo, dinlle de beber un refresco destes hiperazucrados, traballei mentres el estaba chorando e reclamándome e deixo que o seu pai lle merque miles de xoguetes.
Paso 5: E todo isto sempre tendo en conta que as mamás estaremos de moda sempre e somos tal e como queremos ser!!! Así que veña! métete na ducha, dille a alguén que coide @ túa/teu fill@ un momento e pitando para o salón de beleza. E mañá ou pasado mañá (pero que de aí non pase) a mercar algo de roupa de cores para ser a nai que a ti che gustaría, que é a Nai CM. A Nai Compostela MIÚDA ou o que é o mesmo a Nai que Chista Moito!!!
Como ves faltan 5 pasos a ter en conta para ser a Nai que Chista Moito! Encantaríame que comentaras aquí o que ti cres importante para facerte unha Nai CM!

Como sempre, moitas grazas por ler, compartir e participar!


viernes, 15 de abril de 2016

LOGO NON DIGADES QUE NON VOS AVISAMOS!!! Axenda MIÚDA da fin de semana: sábado 16 e domingo 17 de abril de 2016




Et voilá... a nosa axenda MIÚDA da fin de semana do 16 e 17 de abril! Gozade!

SÁBADO 16 DE ABRIL 

Mostra bibliográfica “Hans Christian Andersen” e Contos Chinos na Biblioteca Pública Ánxel Casal.

Dende as 9:30 ás 14:00 as nenas e nenos de 3 a 12 anos poden disfrutar de actividades lúdicas durante toda a maña en Arc Os Tilos.

Ás 10:30h  charla "Teoría do apego, vínculo e necesidades de 0 a 3 anos" con Laura Perales

Ás 10:30h reunión aberta de O parto é noso no Centro Sociocultural de Conxo.

Ás 11:00h na Escola do Medio "Ritmo para bebés".

De 11:30 a 13:00h "APRENDENDO A COMER SAN" obradoiro de cociña de Afundación (Santiago de Compostela) para nenos e nenas de 5 a 12 anos.

De 11:30 a 12:00h "STORYTELLING: THE TINY SEED" no Centro Sociocultural de Santa Marta, Santiago de Compostela; para nenos e nenas de 3 a 12 anos.

Ás 12:00h Pre-circo para nenos e nenas de 3 a 5 anos e obradoiros para nenos e nenas de 5 a 9 anos e de máis de 10 anos en Circonove, nave de circo en Santiago de Compostela.

Ás 12:00h na Biblioteca Pública de Santiago Ánxel Casal, "Os sábados, choiva de contos" GLUB a cargo de Ramiro Neira para bebés de 0-3.

Ás 12:00h Grupo de Calceta en Gaia dos Nenos, Santiago de Compostela.

De 16:00 a 20:00 "OBRADOIRO DE ROBÓTICA" en VermisLAb, Santiago de Compostela.

Ás 17:00 "OBRADOIRO DE COSMÉTICA NATURAL" no CIAC (Centro de Interpretación Ambiental de Compostela) no parque de Belvís.  

Ás 17:45 O NOVATO nos cines NUMAX.


Ás 18:00h "PRESENTACIÓN DO LIBRO-DISCO "A MÚSICA DAS ÁRBORES"" na Gaia dos Nenos en Santiago de Compostela.

De 18:00 a 20:00h "OBRADOIROS INFANTÍS EN ABRIL AUGAS MIL" en Área Central, Santiago de Compostela.

Ás 18:00h "A DANZA DA CHOIVA"  no Auditorio Municipal de Cerceda a cargo de Elefante Elegante.

Ás 18:00 Escena en familia na Sede da SGAE, Títeres Cachirulo representa A Guerra das Galicsias.

Ás 19:00h "ENCONTRO DE COROS E PANDERETEIRAS" en Área Central, Santiago de Compostela.

Ás 21:30h no Pico Sacro "OBSERVACIÓNS ASTRONÓMICAS" organizado polo Concello de Boqueixón.

DOMINGO 17 DE ABRIL

Ás 12:30 Escena en familia na Sede da SGAE, Títeres Cachirulo representa A Guerra das Galicsias.

Ás 15:45 O NOVATO nos cines NUMAX.

Ás 16:30 e 19:00h. no Palacio de Congresos podremos ver DIEZ! de Cantajuego.

Se vedes que falta ou sobra algo agradeceriamovolo moito se nos avisasedes! 
Que pasedes unha boa fin de semana e esperemos que sexa moi primaveral!

sábado, 9 de abril de 2016

Compostela MIÚDA recomenda: Embarazadas Galicia




Eu, no meu embarazo sufría de insomnio, causado por un lado polo síndrome das pernas inquietas e polo outro por ansiedade. Si, ansiedade. Meteuseme na cabeza que tiña que arranxar toda a miña vida antes do parto. E a miña ansiedade aumentaba cada día porque claro, non daba feito o que me propuxera. Todo o contrario! Escapábaseme todo cada vez máis! Cousa normal polos cambios tanto físicos como psíquicos que se producen nunha muller no embarazo. O mellor que se pode facer é deixarse ir en vez de tratar de agarralo todo como perlas que caen dun colar roto. En fin. E iso o que pasa. Adéntraste cada vez máis en terra descoñecida e as veces sínteste moi soa en tódolos sentidos. Que sorte que tiven a Embarazadas Galicia. Non me acordo moi ben quen me recomendara este grupo (porque daquela era "so" un grupo en facebook), pero si que recordo ben a primeira vez que escribín unha consulta. Eran, eu que sei, as tres ou catro da mañá e eu estaba desperta como de costume, pero tamén agobiada. Iso non me pasaba tan a miúdo, recordo unha manchea de veces e non era nada agradable. Desesperada preguntei que podía facer nas Embarazadas Galicia e tiven unha contestación aos 3 minutos. Creo recordar que chorei de alegría e emoción por sentirme comprendida e acompañada. Pois isto para min é Embarazadas Galicia. Atopar información ou solicitala, sentirse comprendida, acompañada e axudada ou comprender, acompañar e axudar, compartir medos, inseguridades e experiencias tanto do embarazo como do que pode haber antes e do que ven despois. E por suposto non pode faltar botarse unhas risas ou lágrimas... para iso está Embarazadas Galicia. Para sentirse parte dunha comunidade xenerosa e moi especial ca súa creadora María Porto e a colaboradora Eva Llorca na cabeza.
A verdade é que foi e é un luxo ter a María na rede disposta a botar unha man en calquera situación que se presente. Ela sempre ten algunha palabra, algunha idea, consello, información e se non seguro que sabe quen pode axudar e por enrriba cho presenta. E creo que para as embarazadas e as xa mamás e fantástico ter un lugar onde acodir con dúbidas ou simplemente para ir pasando as entradas verse reflexadas, necesitadas ou informadas. 
Dende Compostela MIÚDA recomendámosvos que formedes parte desta tribo se para vos -e cito a Embarazadas Galicia- embarazo e parto son algo tan natural como comer e respirar. 
Podedes pedir entrar no grupo cerrado de facebook: Grupo de Embarazdas Galiciahttps://www.facebook.com/groups/embarazadasgalicia
Ou podedes seguilas na súa fanpage: https://www.facebook.com/embarazadasgalicia
ou no seu blog: http://www.embarazadasgalicia.blogspot.com.es


Moitas grazas por ler, comentar e compartir!

viernes, 8 de abril de 2016

LOGO NON DIGADES QUE NON VOS AVISAMOS!!! axenda MIÚDA da fin de semana: sábado 9 e domingo 10 de abril de 2016





SÁBADO 9 DE ABRIL

Mostra bibliográfica “Hans Christian Andersen” na Biblioteca Pública Ánxel Casal.

Dende as 9:30 ás 14:00 as nenas e nenos de 3 a 12 anos poden disfrutar de actividades lúdicas durante toda a maña en Arc Os Tilos.

Ás 10:30 Roteiro polo Sarela: buscando prantas medicinais organizado polo Centro Sociocultural O Ensanche.

Ás 11:00h na Escola do Medio "Ritmo para bebés".

De 11:30 a 13:30h na Gentalha do Pichel temos "Danza Africana en Familia".

De 11:30 a 13:30h Obradoiro de Cociña organizado por Afundación: "APRENDENDO A COMER SAN" para nenos e nenas de 5 a 12 anos.

Ás 11:30h. Obradoiro infantil de Haikus, en Aire  Centro de Arte.

Ás 12:00h en Vilamincha "Nini no planeta dos iguais" para nenos e nenas de 3 a 12 anos a cargo de Nekané Fernández.

Ás 12:00 O conto da princesa Kaguya nos cines NUMAX.

Ás 12:00h na Biblioteca Pública de Santiago Ánxel Casal, "Os sábados, choiva de contos" TIRANDO DO FÍO contos para todos e todas a cargo de Fátima Villamel para nenos e nenas de 3 a 12 anos.

Ás 12:00h Grupo de Calceta en Gaia dos Nenos, Santiago de Compostela.

Ás 12:00h Pre-circo para nenos e nenas de 3 a 5 anos e obradoiros para nenos e nenas de 5 a 9 anos e de máis de 10 anos en Circonove, nave de circo en Santiago de Compostela.

Ás 17:00h e ás 19:00h "Carapuchiña Vermella, o musical" no Teatro do Colexio La Salle a cargo de Educateatro Produccións.

Ás 17:00h Curso de Encadernación copta para encadernadores maiores de 14 na Ciadade da Cultura.

Ás 18:00h. na Igrexa da Universidade hai  un obradoiro de coaching para mulleres embarazadas   XESTANDO EN CÍRCULO. Organiza 7H Cooperativa Cultural.

Ás 18:00h. na Sede da Fundación SGAE representaráse O Ogrocho de Teatro de Ningures.

De 18 a 20:00 'Sábados Creativos. Obradoiro 'Especial print-art. As formas máis creativas de debuxar' en Area Central.

Ás 19:00h comezará o espectáculo de máxia para toda a familia Ilusionante de Pedro Volta no Auditorio Abanca.

Ás 19:00h no Auditorio do Multiúsos do Concello de Rois "Xente miúda moita fartura" de Pablo Díaz dentro do Programa de dinamización lingüística FalaRedes.



DOMINGO 10 DE ABRIL

Ás 10:00h Andaina solidaria en favor de UNICEF saíndo da Praza de Europa (Area Central).

Ás 12:30h. na Sede da Fundación SGAE representaráse O Ogrocho de Teatro de Ningures.

Ás 15:45 O conto da princesa Kaguya nos cines NUMAX.

Ás 18:00h no Auditorio Municipal de Valga "Contando cousas e cousiñas" para nenos e nenas a cargo de Raquel Queizás.

Ás 18:00h poderá verse o espectáculo musical "Teatro de Guiñol" de Pirilampo no Salón Teatro de Santiago.


Se vedes que falta ou sobra algo avisádenos comentando aquí ou mandando un e-mail a compostelamiuda@gmail.com (aquí tamén nos encantará recibir as túas actividades e eventos para o mundo MIÚDO). Grazas!
Que teñades unha fin de semana de luminosa!



viernes, 1 de abril de 2016

LOGO NON DIGADES QUE NON VOS AVISAMOS!!! Axenda MIÚDA da fin de semana: sábado 2 e domingo 3 de abril de 2016



SÁBADO 2 DE ABRIL DE 2016 (Día mundial de concienciación sobre o autismo, Día Internacional do Libro infantil e xuvenil).

V Festa da Gaita en Arzúa, con actividades dende as 11:45h.

Festa da Reconquista da Vila de Vigo 2016. Consulta o Programa aquí.

De 10:30 a 13:30h Obradoiro para nenos e nenas de 6 a 12 anos no Museo de Historia Natural da Universidade de Santiago de Compostela sobre "2016, Ano Internacional dos Legumes".

A partir das 10:30h fin de semana das árbores no CIAC, animación de rúa con Servando Barreiro e Anxo Moure "A música das árbores".

Ás 10:45 no Milladoiro e ás 11:00h en Bertamiráns estará o autobús que trasladará gratuítamente aos participantes para conmemorar o Día Forestal Mundial plantando tres carballos nas fincas do Monte Escolar en Carballo, na parroquia de Trasmonte e facendo un pequeno roteiro polas fincas.

De 11:00 a 13:30h en Vilamincha mañán informativa e didáctica polos REFUXIADOS, con espazo infantil de 11:00 a 12:00h para nenos e nenas 3 a 6 anos: Descubre o aparato dixestivo e a impotancia dunha boa alimentación e de 12:30 a 13:30h para nenos e nenas de 7 a 12 anos Contacontos Kamishibai: contos intelixentes para nenos e nenas intelixentes. No espazo da cafetería para adultos de 11:00 a 13:30 conversa con José García de Acnur. Doarase a recadación a Bomberos en acción ONGD.

Dende as 11:00 ata as 22:30h no Salón do libro infantil e xuvenil de Pontevedra tedes moitas actividades, obradoiros, contos, exposicións, títeres...consultade o programa.

Ás 11:00h na Praza do Obradoiro en Santiago de Compostela acto da campaña Inclusión, tolerancia e respecto, polo Día mundial de concienciación sobre o autismo. Solta de globos de cor azul e entrega simbólica do testemuño "pásao polo autismo".

Ás 11:00h na Escola do Medio "Ritmo para bebés".

De 11:30 a 13:30h no Centro Galego de Arte Contemporánea obradoiro de arquitectura "Jorn Utzon. A idea construída" para nenos e nenas de 6 a 8 anos.

De 11:30 a 12:00h Storytelling no Centro Sociocultural de Santa Marta en Santiago de Compostela, "Papa please, get the moom for me".

De 11:30 a 13:30h na Gentalha do Pichel temos "Danza Africana en Familia".

Ás 12:00h na Praza Roxa en Santiago de Compostela "Xogos Populares", organizado polo Centro Sociocultural e Xuvenil Municipal O Ensanche

Ás 12:00h na Biblioteca Pública Ánxel Casal "Os sábados choiva de contos" en Santiago de Compostela.
Ás 12:00h Grupo de Calceta en Gaia dos Nenos, Santiago de Compostela. 
Ás 12:00h no Centro Sociocultural de Conxo Aurelio Aguirre en Santiago de Compostela, STOP MOTION na biblioteca, Programa Ler conta moito da Xunta de Galicia para nenos e nenas de 11 a 16 anos.

Ás 12:00h na Galería Sargadelos de Santiago de Compostela, Sesión aberta de contos e música para as familias, nenos, nenas, nais e pais, profesorado e persoas interesadas, dentro do Programa de animación á lectura do Concello de Santiago de Compostela e Kalandraka.

Ás 12:00h Pre-circo para nenos e nenas de 3 a 5 anos e obradoiros para nenos e nenas de 5 a 9 anos e de máis de 10 anos en Circonove, nave de circo en Santiago de Compostela.

Ás 12:30h contacontos ambiental no CIAC (Parque de Belvís, Santiago de Compostela).

Ás 16:00h na Igrexa da Universidade hai unha conferencia-charla sobre "Alimentación viva e muller" que organiza 7H Cooperativa Cultural.
 
De 16:00 a 20:00 "Taller de Ciencia ¡Quiero ser científic@!" en Vermislab para nenos e nenas a partir de 5 anos.

A partir das 17:30h hai Foamball en Área Central.

Ás 18:00h "Güela-Güela" na Fundación SGAE en Santiago de Compostela, espectáculo de monicreques a cargo da Compañía Galitoon.

A partir das 18:00h "Sábados creativos" en Área Central. Centraráse no vento elaborando @s miúd@s cometas, bolboretas xigantes, paxariñas voadoras, etc. 

Ás 18:00h na Mediateca do Grilo, en Cacheiras (Concello de Teo), contacontos infantil e familia con Riciños de ouro, TrinkeTrinke. A entrada é gratuíta pero o Concello de Teo agradece unha contribución ao Banco de alimentos (leite e conservas)

Ás 18:30h na Igrexa da Universidade hai un obradoiro de movemento creativo "Encóntrate no teu corpo" organizado por 7H Cooperativa Cultural.

Ás 18:30h na Biblioteca de Galicia, na Cidade da Cultura en Santiago de Compostela, Limiar Teatro, conmemora os 400 anos da  morte de Cervantes con "Don Quixote", unha comedia gastronómica para toda a familia baseada na obra de Cervantes.

DOMINGO 3 DE ABRIL DE 2016 

Festa da Reconquista da Vila de Vigo 2016. Consulta o Programa aquí.


Dende as 11:00 ata as 20:00h no Salón do libro infantil e xuvenil de Pontevedra tedes moitas actividades, obradoiros, contos, exposicións, títeres...consultade o programa.

De 11:30 a 13:30h no Centro Galego de Arte Contemporánea obradoiro de arquitectura "Jorn Utzon. A idea construída" para nenos e nenas de 9 a 11 anos.

Ás 11:30h "Obradoiro sobre bioindicadores: 13 rue do Carballo" no CIAC, Santiago de Compostela.

Ás 12:30h "Güela-Güela" na Fundación SGAE en Santiago de Compostela, espectáculo de monicreques a cargo da Compañía Galitoon.

De 16:30 a 20:30 no Multiusos Fontes do Sar actividades para nenos e nenas ata 12 anos: inchables, camas elásticas e xogos.