LOGO NON DIGADES QUE NON VOS AVISAMOS!!! Axenda MIÚDA da fin de semana: venres 21, sábado 22 e domingo 23 de outubro de 2016

Esta fin de semana continuamos coas charlas do Ciclo de Conferencias sobre crianza #ConAdeAMOReTdeTRIBO.Tócalle a Carlos González  e a Gaia dos Nenos. 

WOMEX 2016  

As San Lucas en Mondoñedo, unha das máis importantes feiras tradicionais de Galicia, que data a súa orixa en 1156.

VENRES 21 DE OUTUBRO

Ás 17:00h no Auditorio do colexio La Salle en Santiago de Compostela, estará Carlos González coa charla "Autoridade e límites" dentro do Ciclo de Conferencias sobre crianza #ConAdeAMOReTdeTRIBO que organiza Compostela Miúda en colaboración coa Gaia dos Nenos.

De 18:00 a 20:00h no Centro Sociocultural e Xuvenil Municipal O Ensanche "Venres en familia: marionetas con calcetíns" para nenos e nenas acompañad@s dun adulto responsable.

De 18:00 a 19:30h no Centro Sociocultural de Vite dentro do Programa APEGO, "Stop motion na Biblioteca" a cargo de Minia Regos. A partir de 7 anos.

Ás 18:30h no Salón de Actos da Biblioteca Pública de Santiago Ánxel Casal, "Estrelamar" representación teatral de Carlos Labraña, seguida da representación das novas pezas de teatro do mesmo autor: Espantallo e O galo de Portugal camiño de Compostela, publicadas por Edicións Fervenza.

De 18:30 a 20:00h no LSC da Pontepedriña "Obradoiro de Samaín" dentro do Programa APEGO. A partir de 4 anos.

De 19:00 a 20:30h no Centro Sociocultural de Conxo "Historias sen alento", arrepiantes relatos breves que porán a proba a valentía da rapazada. De 6 a 12 anos.

SÁBADO 22 DE OUTUBRO

Ás 10:45h no Auditorio do colexio La Salle en Santiago de Compostela e previo á charla de Carlos González, Gaia dos Nenos nos falará dos sistemas de retención infantil a contra marcha (ACM sillas a contra marcha #yoviajoseguro).

Ás 11:00h no Auditorio do colexio La Salle en Santiago de Compostela, estará Carlos González coa charla "Necesidades afectivas d@s miúd@s" dentro do Ciclo de Conferencias sobre crianza #ConAdeAMOReTdeTRIBO que organiza Compostela Miúda en colaboración coa Gaia dos Nenos.

De 11:00 a 12:30h no Centro Sociocultural das Fontiñas "Stop Motion na Biblioteca" a partir de 7 anos, a cargo de Minia Regos
 . 
De 11:00 a 14:00h "Mercado do Caracol" organizado pola Asociación Veciñal do Barrio de San Pedro, "A Xuntanza"".

De 11:30 a 13:30h II Foro da Mocidade de Teo, no Salón de Plenos do Concello de Teo, asistencia aberta para persoas de entre 16 e 25 anos que queiran ser escoitadas e que propoñan novas actividades de interese para a súa franxa de idade.

Ás 12:00h "Os sábados choiva de contos: Un saquiño cheo de contos" no Salón de Actos da Biblioteca Pública de Santiago Ánxel Casal. Sesión de contacontos con Cucarandainas para nenas e nenos de 3 a 12 anos.

Ás 12:00h na Praza do Toural "Obradoiro práctico de tallado de calacús ou caveiras de cabaza" a cargo de Rafael López Loureiro. Trae a túa cabaza e achegarvos, maiores e miúd@s a tallar a vosa cabaza.

Ás 17:00h contacontos "A historia de BrancaFlor" de Fran Rei, na Biblioteca dos Tilos, Concello de Teo. Para todos os públicos.

Ás 18:00h no Auditorio de Bertamiráns, Concello de Ames, a compañía ourensana de teatro afeccionado Trécola Teatro presenta a súa obra infantil "Cling".

Ás 18:00h Chrystyan Magic presentará o seu espectáculo de animación á lectura a través da maxia "Na senda da serpe alada" na Biblioteca de Galicia, na Cidade da Cultura de Galicia en Santiago de Compostela.

Ás 18:00h na Fundación SGAE en Santiago de Compostela "El niño que soñaba"  da Compañía La mar de marionetas.

DOMINGO 23 DE OUTUBRO 

Ás 12:00h na Fundación SGAE en Santiago de Compostela "El niño que soñaba"  da Compañía La mar de marionetas.

Con A de AMOR e T de TRIBO: Ciclo de conferencias sobre crianza. CARLOS GONZÁLEZ e JULIO BASULTO

Continuamos co Ciclo de conferencias sobre crianza Con A de AMOR e T de TRIBO, con Carlos González (pediatra) e Julio Basulto (nutricionista).

Con A de AMOR e T de TRIBO conta coa colaboración da GAIA DOS NENOS Ecocrianza, que antes da charla de Carlos González nos falarán da iniciativa ACM (a contra marcha): @s miúd@s viaxan máis seguros no coche a contramarcha. É así de sinxelo. Pero...como? cando? canto? por que? Escoita a nosa mensaxe!!!

CARLOS GONZÁLEZ "Autoridad y límites" e "Necesidades afectivas d@s MIÚD@S"

 

QUEN É?

Carlos González non precisa presentación...ou si? 
Pois Carlos é licenciado en Medicina pola Autónoma de Barcelona e MIR en Pediatría. Pediatra de atención primaria por oposicion en excedencia voluntaria. Presidente de ACPCAM (Asociación Catalana Pro Lactancia Materna) dende a súa fundación en 1990. Práctica privada dende 2006 en Gavà Salut Familiar. Realiza moita actividade formativa como docente e como alumno. É tamén escritor, colabora habitualmente coa revista Ser Padres dende 1994, co diario Ara dende 2010 e con diversas revistas do grupo RBA (Única, Tu bebé, El Mueble, Mente Sana, Lecturas) dende 2004. Ten publicados varios best sellers, entre eles "Mi niño no me come", "Bésame mucho", "Manual práctico de lactancia materna", "Un regalo para toda la vida, guía de lactancia materna", "Entre tu pediatra y tú", "En defensa de las vacunas" ou "Creciendo juntos".

CANDO?

• Venres 21 de outubro ás 17:00h , "AUTORIDADE E LÍMITES": os pais e as nais teñen autoridade, e todos @s miúd@s teñen límites. Pero non debemos olvidar que a autoridade ten límites, que non podemos gritar, humillar, ridiculizar aos nosos fill@s. Non son inimigos agazapados nas sombras buscando o xeito de rir de nós e saírse coa súa. Quérennos, queren obedecernos e ternos content@s. Temos autoridade sobre os nosos fill@s, incluso aínda que non fagamos nada para merecela. Pero iso conleva unha gran responsabilidade, debemos esforzarnos por estar á altura. 
• Sábado 22 de outubro ás 11:00h, "NECESIDADES AFECTIVAS D@S MIÚD@S": por que piden brazos os miúd@s, por que non queren dormir sos, por que choran en canto te perden de vista...@s miúd@s establecen ao longo do primeiro ano un forte apego cunha persoa, normalmente a nai, e a partir desa primeira relación irán establecendo outras relacións afectivas ao longo da súa vida. A separación da figura de apego provoca a conduta de apego: chamala, buscala, chorar...non, non lle está tomando o pelo, o que ocorre é que a necesita. E que a ama.

ONDE?

No Auditorio do Colexio La Salle na Praza de San Xoán Bautista De La Salle, 1 (Zona de San Roque), Santiago de Compostela.

JULIO BASULTO "Alimentación Infantil"

QUEN É? 

Julio Basulto tampouco precisa presentación...ou si? 
Pois Julio é Titulado en Nutrición Humana e Dietética pola Universidade de Barcelona, Dietista-nutricionista foi profesor asociado na Unidade de Nutrición Humana da Universidade Rovira i Virgili de 2005 a 2009. Ata agosto de 2013 traballou como editor na Revista Española de Nutrición Humana e Dietética e foi responsable do Grupo de Revisión, Estudio e Posicionamento da Asociación Española de Dietistas-Nutricionistas. Na actualidade, ademais de colaborar con diversos medios (Radio Nacional de España, Ser Consumidor, Revista Muy interesante, etc.) exerce como docente en varias institucións académicas e é membro de diferentes Grupos, Paneis, Sociedades ou Comités de Expertos. Julio é autor ou coautor de numerosas publicacións tanto científicas como divulgativas, por exemplo: "No más dieta", "Secretos de la gente sana", "Se me hace bola", "Comer y correr", "Mamá come sano" y "Más vegetales, menos animales".

CANDO?

• Sábado 19 de novembro ás 11:00h , "ALIMENTACIÓN INFATIL": Non hai grandes diferenzas entre un só nen@ amamantad@ e un non amamantad@, pero si as hai se comparamos moitos máis nen@s. Ata cando convén que dure a lactacia exclusiva (sexa ou non materna)? Idade de incorporación da alimentación complementaria, e outras características importantes desta etapa. "Insistir para que coma, un pouquiño", vale? Que é unha dieta sana na infancia?

ONDE?

No Auditorio do Colexio La Salle na Praza de San Xoán Bautista De La Salle, 1 (Zona de San Roque), Santiago de Compostela.

PREZO E MATRÍCULA:

• Unha charla:  25€
• Dúas charlas: 40€
• Tres charlas:  55€

Se tiveres matrícula (a matrícula formalízase ao facer a transferencia do prezo da mesma) antes do 7 de outubro facémoste un desconto de 6€ no prezo total, e os prezos quedarían así:

• Unha charla:  19€
• Dúas charlas: 34€
• Tres charlas:  49€

Agora que xa pasaron as charlas de Carlos González, e ata o 4 de novembro, se queres asistir á charla de Julio Basulto tes un desconto de 6€, sendo así o coste de 19€. Para esto tes que ter feito a matrícula antes do 4 de novembro.

Para realizar a matrícula nas Conferencias de Carlos González e Julio Basulto envíanos un mail a:

charlas.compostelamiuda@gmail.com  

cos teus datos, NOME e APELIDOS, DNI e NÚMERO DE TELÉFONO, e as charlas ás que queres asistir. 
Enviarémosche un mail de volta con toda a información e os pasos a seguir.

Tamén as podes adquirir cun desconto de 6€ na tenda Gaia dos Nenos na Rúa Santiago de Guayaquil nº 6 en Santiago de Compostela (descontos non acumulables).

As entradas non son reembolsables, aínda que si transferibles.

Moitas grazas polo voso interese no noso ciclo de conferencias sobre crianza Con A de AMOR e T de TRIBO. 

ANOTÁDEVOS E COMPARTIDE!!!

Colabora