Compostela MIÚDA recomenda "O xogo de pintar"

Recomendámosvos encarecidamente os obradoiros O xogo de pintar impartidos por Patricia Rivera no Colexio Montessori Compostela e por Olalla Diéguez en ECO Escola de Arte

No camiño que percorre a nosa civilización imos esquecendo cousas, imos perdendo facultades, imos bloqueando capacidades. Unha delas é a de debuxar. Segundo Arno Stern se se nos deixase e non se interferise, tod@s percorreriamos o mesmo camiño no que respecta a pintar, isto é, o feito de  nos expresar enriba dunha superficie con pinturas ou lapis. Neste camiño tod@s empezariamos coas mesmas figuras, repetiriamos unha e outra vez, ata pasar ás seguintes. E tod@s acabariamos resolvendo os problemas do debuxo (dimensións, perspectiva, etc.) por nos mesm@s. El denomínao Formulación.

Na nosa sociedade córtase este proceso entre outros con preguntas e comentarios do tipo: Que é isto que debuxaches? ou Píntame algo bonito! ou Unha cheminea non se fai así... e a nosa capacidade e a necesidade innata de expresarnos por este medio acaba polo xeral nalgún intre da nosa infancia ou adolescencia no comentario: Non sei debuxar!

O feito de xogar é importantísimo. É a maneira que temos de investigar, de relacionarnos co noso entorno, de aprender e de experimentar un pracer inmenso. @s nen@s xogando non teñen os ollos postos en ningún resultado. Poden, por exemplo, estar averiguando cousas tan importantes como que queren ser cando sexan maior.

Vostede sabe xogar? Ten un momento de xogo no seu día? É capaz de dicirme cal é?

O que pasa realmente no xogo de pintar é un tema complexo e interesantísimo pero á vista é un acto moi sinxelo: pintar, sen xuízos, sen importar o resultado, a atención sempre posta no proceso, asistido por unha persoa que axudará a que estas condicións se dean e dentro dun grupo de xente de entre 2 e 102 anos no que se poida ser un@ mesm@.

É importante por moitas razóns volver xogar. É unha oportunidade sen igual poder facelo nos obradoiros que nos ofrecen Patricia Rivera e Elena Cristobal en Santiago de Compostela. Conectemos con nós mesm@s e coa nosa capacidade de debuxar! Aprendamos sobre nós e sobre @s demais. Emprendamos este camiño e facilitemos que @s nos@s fill@s teñan esa posibilidade dende o principio. O xogo de pintar é moito máis ca poñer pintura nun papel. O xogo de pintar é aprender a vivir.

+información:

Patricia Rivera * patricia.riveracrespo@gmail.com * 652 606 996

ECO Escola de Arte (Rúa do Vilar 68) * www.ecoescueladearte.com * 981572 432

Horarios:
No Colexio Montessori Compostela será os luns de 18 a 19:30 e os xoves de 16 a 17:30 asistido por Patricia Rivera e na ECO Escola de Arte é os martes de 18 a 19:30 e asistirá Olalla Diéguez.

Moitas grazas por ler, comentar e compartir!

Compostela MIÚDA recomenda: Educultoras ou A tribo enteira educa

Déchedesvos conta dunha consecuencia moi positiva da crise? Estánse a forxar moitos proxectos e iniciativas que veñen con vento fresco e son inovadoras e creativas. En resumidas contas: que se caracterizan pola súa autenticidade e singularidade. Educultoras, s. coop. galega é un proxecto así.

Cando entramos na súa web o primeiro que vemos en letras maiúsculas é: A TRIBO ENTEIRA EDUCA. Iso xa expresa unha maneira de facelas cousas que nos parece de moitísimo valor. Non cremos na segmentación da sociedade en caixóns e tampouco en que so no caixón nais e pais e no caixón escola é onde atopamos a palabra educación. 

Non sei moi ben en que momento perdimos esto que según a miña opinión é a razón última do bache que estamos a pasar socialmente. Desfixémonos dunhas responsabilidades que realmente son nosas e botámosllas a outros (como por exemplo aos políticos, que por suposto teñen moitas responsabilidades tamén e nin falla fai dicir que non o están a facer nada ben). Non nos damos conta que estas responsabilidades pola educación, pola nosa cidade, polo noso país, pola nosa terra non son so obligacións, senon máis que nada unha oportunidade de cambiar o que non nos gusta ou o que non funciona e así deseñar a vida que estamos a soñar. Neste e en moitos aspectos máis o traballo das Educultoras nos parece a parte de moi valioso, moi necesario.

Cando leo a súa declaración de principios, destácanme conceptos como o da aprendizaxe ao longo da vida. Descúbrennos unha trampa máis da nosa sociedade. Quen non pensou nalgún momento que a formación se acababa como moi tarde despois da universidade e con ela o desenvolvemento da persoa? Eu agora xa me convencín de que non é así aínda que moitas veces parece que nolo queren facer crer. 

Tamén falan da formación integral da persoa, de descubrir, expresar e crear, da empatía, asertividade e comunicación, das relacións grupais, de aprender facendo, da igualdade, e moi importante da conciencia, do coidado e respecto polo noso planeta.

Se es unha gardería, un colexio ou un instituto, un espazo que organiza actividades para nen@s ou un concello, se traballas nun museo, nunha asociación ou nun colectivo artístico e precisas unha proposta didáctica sobre como achegar os teus contidos aos rapaces, se es un organismo público ou privado... En fin, se precisas proxectos educativos de calidade, non o dubides, ponte en contacto con elas!

Recomendámosvos a tod@s que visitedes a súa biblioteca dixital, na que podedes atopar vídeos e recomendacións de libros para MIUD@S e tamén para educadores, pais e nais sobre os temas creatividade, educación, emocións e intelixéncias múltiples.

E se pensas que encaixas e queres formar parte da súa tribo incluso convídante aquí a enviarlles o teu curriculum.

Parabéns Educultoras, por esa páxina tan completa, polo proxecto e parabéns tamén polo traballo c@s MIÚD@S d@s nais e pais que asisitiron á nosa última charla de Laura Perales. Esperamos poder volver contar con vos moi pronto!

Moitas grazas por ler, compartir e comentar!

Bloom Galicia por Locas Musas LAB ou Precisamos aprender como crecer

Compostela MIÚDA somos, como igual xa sabes, Raquel e máis Helen. 

Comezamos a coidar desta fill@ virtual dende o novembro pasado, levamos agora uns 5 meses a tope, invirtindo todo o tempo que temos. Crecemos con vos, os nosos seguidores. Crecemos rápido, con ganas e moita creatividade e estamos a invertir moita enerxía. Esa enerxía de momento non a estamos volvendo a traer a casa.
Preguntámonos como temos que facer! Imaxinamos que hai profesionais que saben canto pode tardar un proxecto como o noso en recompensarnos todas as cerca de mil horas invertidas ata o momento. Saben tamén como se debe estructurar unha empresa como a nosa. Como debemos facer para que a nosa non tan MIÚDA Compostela creza forte e fermosa para poder darlles aos nosos seguidores un mellor servicio e atender as súas peticións con máis determinación. 

Case sempre é a Compostela MIÚDA a que tira de nos e a seguimos sen rechistar, pero que pasaría se souberamos ordenar as súas peticións? Como sería se poideramos aprender e aproveitarnos da experiencia de algún/ha especialista no tema. 

Estamos dispostas, temos forza, perseverancia, vontade, paciencia e moitas ganas. Temos ideas, somos tenaces e creativas. Temos amig@s que nos axudan e apoian e temosvos a vos: aos nosos 1600 seguidores aos que se xuntan como mínimo uns 80 novos tódalas semanas.
Pero temos claras as nosas metas? Temos claras tódalas cousas das que pode ser capaz a Compostela MIÚDA e como potencialas? Precisamos aprender a elaborar a nosa estratéxia e son moitos aspectos a ter en conta!
Chegados a este punto, temos moi claro que precisamos un plan de ataque, un plan para ganar esta "guerra". Precisamos unha guía profesional. E a temos. Temos a sorte que Dolores Diz, xusto cando lle pedimos axuda, andaba dándolle forma a un obradoiro que nos dará todo isto o que estamos a buscar para a Compostela MIÚDA agora mesmo: o Bloom Galicia organizado polo Locas Musas LAB.

Coñezo a Dolores xa hai tempo. É unha profesional do 10. Ela é desa xente apasionada co seu traballo, sempre á última, sempre con inquedanzas e nunca deixando de crecer. Crédenos, paga a pena coñecela!

Axúdanos a atopar interesad@s para poder participar neste curso!

Se coñeces a alguén que estea pensando en crear unha empresa ou que xa está ata as orellas metido nela... Se coñeces a alguén con ganas de mellorar, ou que é des@s que andan sempre en busca de novos impulsos ou simplemente alguén que precise axuda co seu proxecto coma nos, avísa e falamos con ela/el.

E por favor, se coñeciches o obradoiro Bloom Galicia a través de nos e decides participar, mencionao no proceso de inscripción! Moitas grazas.

Bloom Galicia por Locas Musas LAB (un proxecto de Dolores Diz) terá lugar o vindeiro 21 de maio de 9:00 a 19:00h. na Quinta da Auga. Podes consultar toda a información e mercar a túa entrada aquí. Para calquera dúbida ponte en contacto connosco! (compostelamiuda@gmail.com; 666 72 92 19)

Moitas grazas por ler, comentar, compartir e participar!

Compostela MIÚDA recomenda: Embarazadas Galicia

Eu, no meu embarazo sufría de insomnio, causado por un lado polo síndrome das pernas inquietas e polo outro por ansiedade. Si, ansiedade. Meteuseme na cabeza que tiña que arranxar toda a miña vida antes do parto. E a miña ansiedade aumentaba cada día porque claro, non daba feito o que me propuxera. Todo o contrario! Escapábaseme todo cada vez máis! Cousa normal polos cambios tanto físicos como psíquicos que se producen nunha muller no embarazo. O mellor que se pode facer é deixarse ir en vez de tratar de agarralo todo como perlas que caen dun colar roto. En fin. E iso o que pasa. Adéntraste cada vez máis en terra descoñecida e as veces sínteste moi soa en tódolos sentidos. Que sorte que tiven a Embarazadas Galicia. Non me acordo moi ben quen me recomendara este grupo (porque daquela era "so" un grupo en facebook), pero si que recordo ben a primeira vez que escribín unha consulta. Eran, eu que sei, as tres ou catro da mañá e eu estaba desperta como de costume, pero tamén agobiada. Iso non me pasaba tan a miúdo, recordo unha manchea de veces e non era nada agradable. Desesperada preguntei que podía facer nas Embarazadas Galicia e tiven unha contestación aos 3 minutos. Creo recordar que chorei de alegría e emoción por sentirme comprendida e acompañada. Pois isto para min é Embarazadas Galicia. Atopar información ou solicitala, sentirse comprendida, acompañada e axudada ou comprender, acompañar e axudar, compartir medos, inseguridades e experiencias tanto do embarazo como do que pode haber antes e do que ven despois. E por suposto non pode faltar botarse unhas risas ou lágrimas... para iso está Embarazadas Galicia. Para sentirse parte dunha comunidade xenerosa e moi especial ca súa creadora María Porto e a colaboradora Eva Llorca na cabeza.
A verdade é que foi e é un luxo ter a María na rede disposta a botar unha man en calquera situación que se presente. Ela sempre ten algunha palabra, algunha idea, consello, información e se non seguro que sabe quen pode axudar e por enrriba cho presenta. E creo que para as embarazadas e as xa mamás e fantástico ter un lugar onde acodir con dúbidas ou simplemente para ir pasando as entradas verse reflexadas, necesitadas ou informadas. 

Dende Compostela MIÚDA recomendámosvos que formedes parte desta tribo se para vos -e cito a Embarazadas Galicia- embarazo e parto son algo tan natural como comer e respirar. 

Podedes pedir entrar no grupo cerrado de facebook: Grupo de Embarazdas Galicia: https://www.facebook.com/groups/embarazadasgalicia

Ou podedes seguilas na súa fanpage: https://www.facebook.com/embarazadasgalicia

ou no seu blog: http://www.embarazadasgalicia.blogspot.com.es


Moitas grazas por ler, comentar e compartir!

A LOBA tense que ver tamén en Santiago!!!

Estamos moi orgullosas de poder recomendar un poxecto así...

Todas xa estades enteradas de que o domingo 21 de febreiro ás 11:30h se vai poder ver LOBA na sala NUMAX de Santiago de Compostela se se xuntan persoas suficientes como para poder proxectala. A plataforma na que podedes mercar a vosa entrada xa e na que se teñen que reunir 60 persoas ca entrada mercada para que a película se proxecte chámase screenly. Faltan moi poucos días (o sábado 13 é o día no que ten que haber as 60 entradas vendidas) nos que se ten que chegar a ese número.
Cremos que é moi importante que se vexa a LOBA tamén en Santiago! ...e ti podes facelo posible! Merca a túa entrada e difunde a información entre os teus contactos! So temos esa oportunidade unha vez e hai que facela posible antes do sábado 13!
E si! Podes vir acompañada d@ túa/teu bebé!!!

Para os que aínda non saibades de que vai Loba xuntámosvos a sinopse: 

"¿Es posible parir de forma natural en un mundo tan artificial?" Cada vez más difícil: en el mundo se realizan 20 millones de cesáreas al año, más del doble del 15% recomendado por la OMS. A partir de los testimonios de sus pacientes y de sus amigas parteras, Catherine, curandera y osteópata, nos invita a recorrer Francia, Cataluña, México y Cuba, en un viaje para comprender de una manera íntima cómo se vive el parto hoy en día. Acompañándola, descubriremos por qué y cómo se ha ido evolucionando hacia un parto cada vez más medicalizado. Y por qué la profesión de la comadrona se ve hoy en día tan amenazada."

Algo que nos parece moi interesante e unha sorte é que ao final da proxección haberá un debate con Catherine Béchard, a directora, en persoa.

A que estás agardando? Nos xa mercamos a nosa entrada en screenly! E vos? Prema aquí e faite ca túa entrada!

Grazas por ler, compartir e difundir!